環保烈日照車房
政府的環保政策，朝著偉大方向燒銀紙，車房仔要跟不容易。鋪租、儀器、人工、雜費等樣樣貴，已再無剩餘能力玩這個玩意。
大家最近應在電視上，路邊廣告上見到環保署搞的遙距捉汽車超標排放，有關的知識，業界應趕快學習，勿殺到埋身，才唔知點辦。
我唔知有幾多人上過環保署的講座，未上過的，快D睇睇利富行網頁，唔好做一隻盲俠修理佬。
正常6年驗車，只測量排放4氣: HC碳氫化合物，CO一氧化碳，CO2二氫化碳，O2氧氣，而家環保署要玩第5個氣NOX碳氧化合物，NOX是必需有跑步功率馬力機配合使用，這才是全港車房的死穴，地方、人才、天價儀器等等都不輕易解決，可以話無能力解決，點辦?
首先，我地要看環保署想要我地做什麼來滿足它，從中領會有冇便宜的方法來達到標準，我認為唔駛一定要燒銀紙方式來達標，又或者將你手中的客人要先行達標，勿讓中招後大家一齊煩。
| 
